статья


Гімн беларускага рок-н-рольшчыка

Аўтар: ZmiCEr (zmicer01@yahoo.com)

Гімн беларускага рок-н-рольшчыка

Разарваныя постары часу
высьвятляе гітарны грыф.
“Мы ня млявая біямаса!”-
я чытаю ў вачох тваіх.

Нашы вушы і нашы вусны,
наш да болю сасьмяглы рот
прагнуць смаку і прагнуць густу -
і знаходзяць праўдзівы ход.

Возьме струны рука –
закіпае кроў.
Гэта наша жыцьцё!
Гэта рок-н-рол!

Гэтым рытмам мы верым сьвята.
Нас ня возьмеш “на прастака”.
Уздымае свой сьцяг зацята
наша ўпэўненая рука.

Возьме струны рука –
закіпае кроў.
Гэта наш, беларускі,
рок-н-рол!

Гэта тое, што нас трымае,
не дае захлынуць дрыгве.
І таму разам мы сьпяваем:
“Хай жыве рок-н-рол!
Жыве!!!”

Возьме струны рука –
закіпае кроў.
Гэта больш, чым жыцьцё!
Гэта рок-н-рол!

Возьме струны рука –
закіпае кроў.
Гэта наш, беларускі,
рок-н-рол!


ZmiCEr

обсуждение статьи

© 2005 музыкальная газета